Ποντιακά Κάλαντα

Χριστός’ γεννέθεν

Χριστός γεννέθεν, χαράν σον κόσμον,
χα καλή ώρα, καλή σ’ημέρα
χα καλόν παιδίν οψέ ‘γεννέθεν.
Οψέ ‘γεννέθεν, ουρανοστάθεν.
Τον εγέννεσεν η Παναγία,
Τον ενέστεσεν Αϊ - Παρθένος
εκαβάλκεψεν Χρυσόν πουλάρι
κι εκατήβεν σο σταυροδρόμι.
΄Ερπαξαν Ατόν οι χιλ’ εβραίοι,
οι χιλ’ εβραίοι και οι μύριοι εβραίοι.
Ας ακρεντικά κι ασήν καρδίαν.
Αίμαν έσταξεν, χολή κ’ εφάνθεν.
Ούμπαν έσταξεν και μύρος έτον,
μύρος έτον και μυρωδία.
Εμυρίσεν ατό ο κόσμος όλεν,
για μυρίστ’ ατό κι εσύ αφέντα.
Έρθαν τη Χριστού τα παλληκάρια
και θημίζνε τον νοικοκύρην.
Νοικοκύρη μ’ και βασιλέαν,
δέβα σο ταρέζ’ κι έλα σην πόρταν,
δος μας ούβας και λεφτοκάρυα
κι αν αν’ εις μας, χαράν σην πόρτασ’.